Iritsi dira ihauteriak eskolara, horregatik bizi bizi pasatzen ari gara egun hauek gelan. Gauza pilo egiten ari gara, guztiak jai giroan: mozorroak, antzerkiak... eta gainera ihauterietako pertsonaiak ezagutzen ari gara, gehien bat Sakanako personaiak ezagutzen gabiltza: nolakoak diren, zer egiten duten, abesttiak...
Ihauteriek aukera galanta eskaintzen digute haurren artista trebetasuna erakusteko. Imaginazio galanta dute eta baita apainketarako gustoa ere. Benetan gustora egiten dituzte plastika jarduerak, horregatik pertsonai eta mozorro ezberdinei buruz ikasitakoa plasmatzeko, plastika jarduera bat burutu dugu.
Haur bakoitzak gustuko pertsonai edo mozorro bat hartu eta paperean sortu dute nahi izan duten materiala erabiliz. Materialek izugarrizko jokoa ematen dute, buruari pixka bat eraginda, modu pila batez erabiliak izan daitezkeelako. Haurrei aukera guzti horiek erakutsi behar zaie, euren adierazpena geroz eta aberatsagoa izan dadin.
Hau kontuan hartuta, gelan egin dugun lana honakoa izan da:
- lehenik, pertsonaia marraztu
- gero pertsonaiak dituen xehetasunak gehitu
- gero pertsonaiak dituen xehetasunak gehitu
- Material ezberdina erabiliz, apaindu
- azkenik, markoa egin estampazio teknika erabiliz.
Hauxe izan da emaitza:
No hay comentarios:
Publicar un comentario